ஏப்.,14க்கு பின் ஊரடங்கை நீட்டிக்கும் திட்டமில்லை: மத்திய அரசு

புதுடில்லி: ஏப்., 14க்கு பின் ஊரடங்கு உத்தரவை நீட்டிக்கும் திட்டம் ஏதும் இல்லை என மத்திய அமைச்சரவை செயலாளர் ராஜிவ் கவுபா தெரிவித்துள்ளார்.

கொரோனா வைரஸ் இந்தியாவில் பரவ துவங்கியதை தொடர்ந்து, கடந்த 24ம் தேதி இரவு டிவியில் பேசிய பிரதமர் மோடி, 21 நாள் ஊரடங்கு அமல்படுத்தப்படுவதாக தெரிவித்தார். இந்த உத்தரவு வரும் ஏப்., 14 வரை அமலில் இருக்கும். ஆனால், இந்த ஊரடங்கு உத்தரவு அதற்கு பிறகும் நீட்டிக்கப்படும் என சமூக வலைதளங்களில் தகவல்கள் பரவ துவங்கியது.

ஆனால், இதனை மறுத்துள்ள மத்திய அமைச்சரவை செயலாளர் ராஜிவ் கவுபா கூறியதாவது: ஊரடங்கு உத்தரவு நீட்டிக்கப்படும் என வெளியாகும் தகவல்கள் ஆச்சர்யத்தை அளிக்கிறது. ஊரடங்கை நீட்டிக்கும் எந்த திட்டமும் மத்திய அரசிடம் இல்லை என தெரிவித்துள்ளார்.

Related posts

Leave a Comment