ஸ்ரீவி.,யில் தினேஷ்குண்டுராவ்

ஸ்ரீவில்லிபுத்துார் : ஸ்ரீவில்லிபுத்துார் காங்., வேட்பாளர் மாதவராவை ஆதரித்து அக்கட்சி தமிழக பொறுப்பாளர் தினேஷ்குண்டுராவ் பிரசாரம் செய்தார். காங்.,வேட்பாளர் மாதவராவ் உடல் நலக்குறைவால் மருத்துவமனையில் சிகிச்சை பெற்று வரும் நிலையில் ,அவருக்காக அவரது மகள் திவ்யாராவ், கூட்டணி கட்சியினர் பிரசாரம் செய்து வருகின்றனர். இதை தொடர்ந்து காங்., தேசிய செயலர் தினேஷ்குண்டுராவ் பிரசாரம் செய்தார். அவர் பேசியதாவது: மாதவராவ் சிகிச்சையிலிருந்தாலும் கூட்டணி கட்சியினர் உற்சாகத்துடன் பணியாற்றுவது வெற்றியை உறுதி செய்துள்ளதை பார்க்கமுடிகிறது ,என்றார்.இந்திய கம்யூ., முன்னாள் எம்.பி.,அழகிரிசாமி, முன்னாள் எம்.எல்.ஏ.,ராமசாமி, மாவட்ட தி.மு.க., அவைத்தலைவர் செல்வமணி, ஒன்றிய தலைவர் மல்லிஆறுமுகம், காங்., மாவட்ட தலைவர் ரெங்கசாமி பங்கேற்றனர்.

Read More

வேட்பாளர்கள் இன்று

விருதுநகர் பாண்டுரங்கன் (அ.தி.மு.க., கூட்டணி): விருதுநகர் நகர் பகுதிகள்.சீனிவாசன் (தி.மு.க.,கூட்டணி): விருதுநகரில் முக்கிய பிரமுகர்களை சந்தித்தல்.தங்கராஜ் (அ.ம.மு.க.,கூட்டணி): நகராட்சி 7, 34, 36வது வார்டுகள், ரோசல்பட்டி, ஜமீன்சல்வார்பட்டி, தாதம்பட்டி, முதலிபட்டி .மணிமாறன் (மக்கள் நீதி மய்ய கூட்டணி): விருதுநகர் நகர, ஒன்றிய பகுதிகள்.செல்வக்குமார் (நாம் தமிழர் கட்சி): விருதுநகர் நகர்ப்பகுதிகள்.குணசேகரன் (புதிய தமிழகம்): விருதுநகர் நகர்ப்பகுதிகள். ஸ்ரீவில்லிபுத்துார் மான்ராஜ் (அ.தி.மு.க., கூட்டணி): ஸ்ரீவில்லிபுத்துார் நகர் பகுதிகள்.மாதவராவ் (காங்கிரஸ் கூட்டணி):ஸ்ரீவில்லிபுத்துார்டவுன் , ஒன்றிய பகுதிகள்.அபிநயா (நாம் தமிழர் கட்சி): ஸ்ரீவில்லிபுத்துார் நகராட்சி பகுதிகள்.குருவையா (மக்கள் நீதிமய்யம்): ஸ்ரீவில்லிபுத்துார் ஒன்றிய பகுதிகள். அருப்புக்கோட்டை வைகைச்செல்வன் (அ.தி.மு.க., கூட்டணி): அருப்புக்கோட்டை ஒன்றிய பகுதிகள்சாத்துார் ராமச்சந்திரன் (தி.மு.க., கூட்டணி): பந்தல்குடி, கொப்பு சித்தம்பட்டி, உடையநாதபுரம், ராமச்சந்திராபுரம், வேலாயுதபுரம், ராம் கோநகர்.உமா (நாம் தமிழர் கட்சி): சாத்தூர் ஒன்றியம் நல்லி, உப்பத்தூர், முத்துச்சாமிபுரம், முத்தார்…

Read More

விவசாயிகளுக்கு துரோகம்: காங்., எம்.பி., மாணிக்கம் தாகூர் பிரசாரம்

விருதுநகர் : விவசாயிகளுக்கு துரோகம் செய்யும் பிரதமர் மோடியுடன் கூட்டணி அமைத்துள்ள அ.தி.மு.க.,வை புறந்தள்ள வேண்டும்,” என, காங்., எம்.பி., மாணிக்கம் தாகூர் பிரசாரம் செய்தார். விருதுநகர் தி.மு.க., எம்.எல்.ஏ., சீனிவாசனுக்கு மதுரை, ரோடு, பஜார் வீதிகளில் நடந்து சென்று ஆதரவு திரட்டினார். அப்போது அவர் பேசியதாவது: வேளாண்மையை குழி தோண்டி புதைக்கும் மத்திய வேளாண் சட்டங்களை வாபஸ் பெறக்கோரி டில்லியில் 120 நாட்களுக்கும் மேலாக விவசாயிகள் போராட்டத்தில் ஈடுபட்டு வருகின்றனர். எனினும் பிரச்னையை தீர்க்க பிரதமர் மோடி முயற்சி எடுக்கவில்லை.விலை வாசி உயர்வு அதிகரித்துள்ளது. நிறைவேறாத வாக்குறுதிகளை கூறி மக்களை ஏமாற்றும் முயற்சியில் அ.தி.மு.க., உள்ளது, என்றார்.

Read More

தடுக்கலாமே! தலைவர்கள் பிரசாரம்போது நெரிசல்…

சிவகாசி: மாவட்டத்தில் தேர்தல் பிரசாரத்தில் தலைவர்கள் வருகையின் போது போக்குவரத்து நெருக்கடியை தவிர்க்க நடவடிக்கை எடுக்க வேண்டும். மாவட்டம் முழுவதும் தேர்தல் பிரசாரம் களை கட்டி வருகிறது. வேட்பாளர்களுக்கு பிரசாரம் செய்வதற்காக தலைவர்கள் வருகையில் குறிப்பிட்ட இடத்தில் பிரசாரம் செய்ய போலீசார் அனுமதி அளிப்பர். அந்த இடத்தில் தலைவர்கள், பேச்சாளர்கள் வருவதற்கு 2 மணி நேரத்திற்கும் முன்பாகவே கட்சியினர் திரண்டிருப்பர். அந்த நேரத்தில் ரோடு மறைக்கப்பட்டு போக்குவரத்து முற்றிலம் பாதிக்கிறது. அவசரத்திற்கு டூ வீலர், கார்களில் செல்கிறவர்கள் பெரிதும் அவதிப்படுகின்றனர். ஆம்புலன்ஸ் வாகனங்களுக்கும் இதே நிலைதான் ஏற்படுகிறது. மேலும் அதிக வாகனங்களில் கட்சியினர் வருவர் . இதனால் போக்குவரத்து முற்றிலும் பாதிக்கிறது. அந்த நேரத்தில் போக்குவரத்தில் மாற்றம் ஏற்படுத்தி வாகனங்களை வேறு வழியில் செல்ல நடவடிக்கை எடுப்பர். பஸ்களை வேறு வழியில் செல்ல வைப்பதால் வழக்கமான பஸ்…

Read More

விருதுநகரில் பா.ஜ.,க்கு சாதகம்; தேர்தல் பணி கூட்டத்தில் அமைச்சர் பேச்சு

விருதுநகர்: ”உளவுத்துறை அறிக்கையில் விருதுநகர் தொகுதி பா.ஜ.,வுக்கு சாதகமாக இருப்பதாக,” தேர்தல் பணி கூட்டத்தில் அமைச்சர் ராஜேந்திரபாலாஜி பேசினார். விருதுநகரில் நடந்த பா.ஜ., நிர்வாகிகளுடனான தேர்தல் பணி ஆலோசனை கூட்டத்தில் அவர் பேசியதாவது: அ.தி.மு.க., பா.ஜ., நிர்வாகிகள் ஒன்றிணைந்து செயல்பட வேண்டும். பா.ஜ., நிர்வாகிகள், அ.தி.மு.க., நிர்வாகிகளை முன்னே வைத்தே பிரசாரங்களுக்கு செல்லுங்கள். தி.மு.க., எம்.எல்.ஏ., சீனிவாசன் மீது மக்கள் அதிருப்தியில் இருப்பதாலும், உளவுத்துறை அறிக்கை பா.ஜ.,வுக்கு சாதகமாக இருப்பதாலும் நமக்கே வெற்றி உறுதி. 325 ஓட்டுச்சாவடிகளிலும் பூத் முகவர்கள் உணவு, குடிநீர் உள்ளிட்ட அடிப்படை வசதிகளை ஏற்படுத்தி தர வேண்டும், என்றார். பா.ஜ., வேட்பாளர் பாண்டுரங்கன், மாவட்ட தலைவர் கஜேந்திரன்,பென்டகன் உரிமையாளர் ஜவஹர், பொறுப்பாளர் பொன்ராஜன் , அ.தி.மு.க., அவைத்தலைவர் விஜயகுமரன், மாவட்ட கவுன்சிலர் மச்சராஜா, ஒன்றிய செயலாளர்கள் தர்மலிங்கம், கண்ணன், ராஜசேகர், இளைஞரணி செயலாளர்…

Read More