கல்லுாரியில் விளையாட்டு விடுதி திறப்பு

ராஜபாளையம்; ராஜபாளையம் ராஜூக்கள் கல்லுாரியில் விளையாட்டு மற்றும் பெண்கள் விடுதி திறப்பு விழா நடந்தது.ஏ.டி.ஜி.பி., ரவி திறந்து வைத்தார்.அவர் பேசியதாவது: பெண்களுக்கு எதிராக நடைபெறும் அநீதிகளில் இருந்து மாணவிகள் வெளிவறுவதோடு நல்ல எண்ணங்களை மனதில் விதைத்து வாழ்க்கையில் முன்னேறவேண்டும், என்றார். கல்லுாரி முதல்வர் ஜெகந்நாத் வரவேற்றார். செயலர் விஜயராகவன் தலைமை வகித்தார். கல்லுாரி தலைவர் திருப்பதி ராஜா கலந்து கொண்டனர். உடற்கல்வி இயக்குனர் முத்துக்குமார் நன்றி கூறினார்.

Read More

தேர்தல் அறிவிப்புக்கு முன் திறப்பு விழா

ராஜபாளையம்: தேர்தல் தேதி அறிவிப்பால் ராஜபாளையத்தில் தொகுதி மேம்பாட்டு நிதியில் அமைக்கப்பட்ட உயர் கோபுர விளக்குகளை எம்.எல்.ஏ., தங்கபாண்டியன் அவசர கதியில் திறந்து வைத்தார்.ராஜபாளையம் பழைய பஸ் ஸ்டாண்டு, பொன்விழா மைதானம், தென்காசி ரோவு, துரைச்சாமிபுரம் உள்ளிட்ட 15 இடங்களில் தலா ரூ. 3 லட்சம் என ரூ. 45 லட்சம் மதிப்பீட்டில் உயர் கோபுர விளக்குகள் அமைக்கப்பட்டது. தேர்தல் அறிவிப்புக்கு முன்னதாக நேற்று அவசரமாக தி.மு.க., எம்.எல்.ஏ., தங்கபாண்டியன் தலைமையில் துவக்கி வைக்கப்பட்டது.

Read More

மீனாட்சி சுந்தரேஸ்வரர் கோயில் பிரம்மோற்ஸவ விழா துவங்கியது

ராஜபாளையம், : ராஜபாளையம் மீனாட்சி சுந்தரேஸ்வரர் கோயில் மாசி பிரம்மோற்ஸவ விழா கொடியேற்றத்துடன் துவங்கியது. இதையொட்டி நேற்று காலை 6:30 மணிக்கு வேத விற்பன்னர்கள் மந்திரங்கள் முழங்க பால், தயிர், சந்தனம் என 11 வகை அபிஷேகங்களை தொடர்ந்து கொடியேற்றம் மற்றும் கொடி மரத்திற்கு தீபாராதனை நடந்தது.கோயில் பரம்பரை அறங்காவலரான ராம்கோ குரூப் சேர்மன் பி.ஆர் வெங்கட்ராமராஜா குடும்பத்தினர் மற்றும் திரளான பக்தர்கள் கலந்து கொண்டனர். 10 நாள் நடக்கும் இவ்விழாவில் தினமும் சுவாமியுடன் அம்மன் பல்வேறு அலங்காரங்களில் வீதி உலா நடக்கிறது.விழாவின் முக்கிய நிகழ்ச்சியான பிப். 23ல் திருக்கல்யாணம், 24ல் தெப்பத்திருவிழா, 25ல் தேரோட்டம் நடைபெறுகிறது.

Read More

நெசவாளர்கள் முற்றுகை போராட்டம்; இன்று முதல் வேலை நிறுத்தம் அறிவிப்பு

ராஜபாளையம் : ராஜபாளையத்தில் கூட்டுறவு சங்க மேலாண்மை இயக்குனர் பணி ஆணையை திரும்ப பெற வலியுறுத்தி நெசவாளர்கள், முற்றுகையிட்டு போராட்டத்தில் ஈடுபட்டனர். இதோடு இன்று முதல் தொடர் வேலைநிறுத்த போராட்டத்தில் ஈடுபட உள்ளதாகவும் தெரிவித்துள்ளனர். ராஜபாளையத்தில் சிவகாமிபுரம், தெற்கு வைத்தியநாதபுரம் துரைச்சாமிபுரம் பகுதிகளில் 3 நெசவாளர் கூட்டுறவு உற்பத்தி மற்றும் விற்பனை சங்கங்கள் இயங்கி வருகின்றன. இதன் மூலம் ஆயிரத்திற்கும் மேற்பட்ட நெசவாளர்கள் இதை சார்ந்த தொழில்களில் ஈடுபட்டுள்ளனர்.கடந்த 20 ஆண்டுகளாக மேலாண்மை இயக்குனர் பதவிக்கு அரசு ஊதியம் அளித்து வந்த நிலையில் கடந்த 11ம் தேதி கைத்தறி மற்றும் துணி நுால் துறையின் நிர்வாத்தில் இருந்து ராஜபாளையத்தில் செயல்படும் 3 கூட்டுறவு சங்கங்களுக்கு கோபால் என்ற மேலாண்மை இயக்குனரை நியமனம் செய்துள்ளது. இந்த இயக்குனரின் ஊதியம் ரூ. 80 ஆயிரத்தை 3 சங்கங்களும் இணைந்து வழங்குமாறு…

Read More

12 கி.மீ., துாரத்தில் ஆம்புலன்ஸ் நிறுத்தம்: ராஜபாளையத்தில் தவிக்கும் நோயாளிகள்

ராஜபாளையம் : ராஜபாளையம் அரசு மருத்துவமனையில் நிறுத்திவைக்க வேண்டிய 108 ஆம்புலன்ஸ்களை 12 கி.மீ., துாரம் அப்பால் நிறுத்துவதால் அவசரத்திற்கு ஆம்புலன்ஸ்களை பயன்படுத்த முடியாது நோயாளிகள் அதிக கட்டணத்தில் தனியார் ஆம்புலன்ஸ்களை நாடும் நிலை உள்ளது. ராஜபாளையம் அரசு பொது மருத்துவமனைக்கென ஒதுக்கப்பட்ட ஆம்புலன்ஸ்கள் அரசு பொதுமருத்துவமனையில் நிறுத்த இடம் இல்லாமல் நகர்ப்பகுதியில் இருந்து 12 கி.மீ., தொலைவில் உள்ள ஜமீன்கொல்லங்கொண்டான் ஆரம்ப சுகாதார நிலையத்தில் நிறுத்தி வைக்கப்பட்டுள்ளது. அவசர தேவைக்கு அழைத்தாலும் இருப்பிடத்தில் இருந்து வந்து பயனாளிகளை ஏற்றி கொண்டு மீண்டும் மதுரை, நெல்லை உள்ளிட்ட நகர்ப்பகுதி அரசு மருத்துவமனைகளுக்கு கொண்டு செல்ல வேண்டியுள்ளது. இந்த காலதாமத்தால் உயிருக்கு போராடும் நோயாளிகள் நிலை கேள்விக்குறியாகிறது. இந்நேரத்தில் வெளியே நிறுத்தி வைக்கப்பட்டுள்ள தனியார் ஆம்புலன்ஸ்களை மக்கள் நாடும் நிலை உள்ளது. அதிககட்டணத்தால் ஏழை மக்கள் பாதிப்பை சந்திக்கின்றனர்.…

Read More

பா.ஜ., மக்கள் சந்திப்பு கூட்டம்: நடிகை கவுதமி பங்கேற்பு

ராஜபாளையம்:ராஜபாளையம் தொகுதி யில் பா.ஜ., சார்பில் ஏற்பாடு செய்த மக்கள் சந்திப்பு கூட்டங்களில் கட்சியினருடன் நடகை கவுதமி ஊர்வலமாக சென்று மத்தியரசின் திட்டங்கள் குறித்து விளக்கினார். ராஜபாளையம் சட்டசபை தொகுதியின் பல்வேறு இடங்களில் பா.ஜ., சார்பில் மக்கள் சந்திப்பு கூட்டம் நடந்தது. இதற்கு தலைமை வகித்த தொகுதியின் பா.ஜ., தேர்தல் பொறுப்பாளரும் கட்சியின் மாநில செயற்குழு உறுப்பினருமான நடிகை கவுதமி ராஜபாளையம் வேட்டை வெங்கடேஷ பெருமாள்கோயிலில் தரிசித்த பின் கட்சியினர் டூவீலரில் முன் செல்ல ஊர்வலமாக கலங்காபேரி புதுார், கம்மாப்பட்டி பகுதியில் பொது மக்களிடம் பேசினார். அப்போது, மத்திய அரசின் ஜன்தன் திட்டம், பிரதமர் காப்பீடு, முத்ரா வங்கி உள்ளிட்ட திட்டங்கள் குறித்து விளக்கம் அளித்தார்.

Read More

கோயில்களில் தை அமாவாசையை முன்னிட்டு சிறப்பு பூஜை

ராஜபாளையம்: ராஜபாளையம் பகுதி சிவன் கோயில்களில் தை அமாவாசையை முன்னிட்டு சிறப்பு பூஜை நடைபெற்றது.சங்கரன் கோயில் ரோடு பகுதியில் உள்ள பறவை அன்னம் காத்தருளிய சுவாமி கோயிலில் அதிகாலை முதல் சிறப்பு அபிஷேகம் நடைபெற்றது. சிவபெருமானுக்கு பூக்களால் அலங்காரம் செய்யப்பட்டது. பக்தர்களுக்கு அன்னதானம் நடந்தது. பல்வேறு பகுதிகளிலிருந்து தரிசனம் செய்து பக்தர்கள் வழிபட்டனர்.* தளவாய்புரம் அருகே புனல்வேலி குருநாதர் ஜீவ சமாது கோயிலில் இரவு எட்டு மணிக்கு சிறப்பு தீபாராதனை நடந்தது. அன்னதானமும் நடந்தது.ஏற்பாடுகளை புனல்வேலி குருநாதர் ஜீவ சமாது கோயில் அமாவாசை தின வழி பாட்டுக்குழுவினர் செய்திருந்தனர்.* ஸ்ரீவில்லிபுத்துார் ரோட்டில் உள்ள அஷ்டவரத ஆஞ்சநேயர் சுவாமிக்கு மகா ஹோமம், அபிேஷகம், சிறப்பு அலங்காரம், பூஜைகள் நடந்தது. முடிவில் பக்தர்களுக்கு அன்னதானம் வழங்கப்பட்டது. ஏற்பாடுகளை மாப்பிள்ளை விநாயகர் நற்பணி மன்றத்தினர் செய்திருந்தனர்.

Read More

வேண்டாமே: சாக்கடைகளை ஆக்கிரமித்து கட்டடங்கள் கழிவு நீர் பிரச்னையோடு தொற்று அபாயம்

ராஜபாளையம்: மாவட்டத்தில் பெரும்பாலான கட்டடங்கள் தெருக்களில் சாக்கடைகளை ஆக்கிரமித்து கட்டப்படுவதால் கழிவு நீர் செல்வதில் பாதிப்போடு சுகாதார பணிகளுக்கும் தடை ஏற்படுகிறது. எந்த ஒரு கட்டடமும் கட்டப்படுவதற்கு முன் உள்ளாட்சியில் முறையாக அனுமதி பெற வேண்டும். இதில் கட்டுமான உயரத்திற்கு ஏற்ப அடித்தளம், மாடிப்படிகள் வெளிப்புறம் அமைப்பு, கட்டட அமைப்பிற்கு ஏற்ப அவசர கால வழி ,கழிவு நீர் சாக்கடையில் இணைப்பு , மழை நீர் சேகரிப்பு உட்பட பல்வேறு அடிப்படைகளை பூர்த்தி செய்ய வேண்டும். ஆனால் இதன் படி அனைத்து குடியிருப்புகள், வணிக வளாகங்கள் கட்டப்படுகின்றனவா என்றால் கேள்விக்குறியே .அதிகாரிகளின் ஆசியோடு பார்க்கிங் வசதியில்லாமலும், ரோட்டின் வெளிப்பகுதி வரை கட்டடங்களை நீட்டி வைப்பதும், வீடுகளின் கழிப்பறைகள், மாடியின் சன் சைடு பொதுப்பகுதிகளில் உள்ளது. இது போன்ற விதி மீறல்களால் நடைபாதையின்மை, போக்குவரத்து பாதிப்பும் தொடர்கிறது. பல…

Read More

சதுரகிரியில் தை அமாவாசை பக்தர்கள் வழிபாடு

வத்திராயிருப்பு:சதுரகிரி சுந்தரமகாலிங்கம் கோயிலில் தை அமாவாசையை முன்னிட்டு ஏராளமான பக்தர்கள் நேர்த்தி கடன் செலுத்தி தரிசனம் செய்தனர். இங்கு பிப்.9 முதல் பக்தர்கள் மலையேற அனுமதிக்கப்பட்டனர். தமிழகத்தின் பல்வேறு மாவட்டங்களை சேர்ந்த பக்தர்கள் நேற்று அதிகாலை முதலே தாணிப்பாறையில் குவியத் துவங்கினர். காலை 6:00 மணி முதல் உடல் வெப்ப பரிசோதனைக்கு பின் பக்தர்கள் மலையேறினர். நேரம் செல்லச்செல்ல வெயிலின் தாக்கம் அதிகரித்தது. மாலை 4:00 மணி வரை ஏராளமான பக்தர்கள் மலையேறினர். கோயிலில் சுந்தரமகாலிங்கம் சுவாமிகளுக்கு 18 வகை அபிேஷகங்களுடன் அமாவாசை வழிபாடு நடந்தது. மதுரை, ராஜபாளையம், ஸ்ரீவில்லிபுத்துார் பகுதிகளிலிருந்து சிறப்பு பஸ்கள் இயக்கபட்டது.

Read More

சதுரகிரியில் பிரதோஷ வழிபாடு

வத்திராயிருப்பு:சதுரகிரி சுந்தரமகாலிங்கம் கோயிலில் தைபிரதோஷ வழிபாடு நடந்தது.நேற்று காலை 7:00 மணிக்கு உடல் வெப்ப பரிசோதனைக்கு பின் பக்தர்கள் மலையேற அனுமதிக்கபட்டனர். கோயிலில் நடந்த பிரதோஷ வழிபாட்டில் சுந்தரமகாலிங்கம், சந்தனமகாலிங்கம், சுந்தரமகாலிங்கம் சுவாமிகளை பக்தர்கள் தரிசித்தனர். ஏற்பாடுகளை அறங்காவலர் ராஜாபெரியசாமி, செயல் அலுவலர் விஸ்வநாதன் செய்திருந்தனர். பிப்.12 மதியம் 12:00 மணி வரை தரிசனம் செய்ய பக்தர்கள் அனுமதிக்கப்படுவர்.

Read More