Coronavirus awareness at Srivilliputhur

மக்கள் நலனுக்காக நாங்கள் ஓய்வின்றி துாய்மை பணியில் ஈடுபட்டு வருகிறோம். எங்களுக்கும் சராசரி ஆசைகள் உண்டு. ஆனாலும் மக்களின் நலனே முக்கியம் என்பதால் நகர் முழுவதும் உள்ள குப்பையை தினமும் உடனுக்குடன் அகற்றி வருகிறோம். அனைத்து இடங்களிலும் கிருமி நாசினி தெளித்து வருகிறோம். நகராட்சி சார்பில் எங்களுக்கு மாஸ்க், கையுறை, காலுறை வழங்கப்பட்டுள்ளது. இதனால் பாதுகாப்பாக பணியில் ஈடுபட முடிகிறது. சிரமமான பணி என்றாலும் சேவை மனப்பான்மையுடன் செய்கிறோம்.- சேதுபாண்டி, துாய்மை பணியாளர் , சிவகாசி.மக்களின் ஒத்துழைப்பு அவசியம்தினசரி துாய்மைபணி என்பது மிகவும் அத்தியாவசியமான பணியாகும். இதனால் குடியிருப்புகள், நகரங்கள் துாய்மை பெறும். தினமும் காலை 6:00 மணி முதல் 11:00, பகல் 2:00 முதல் மாலை 5:00 மணி வரை வெயில் மழை பாராமல் பணியாற்றுகிறோம். ஒவ்வொரு தெருவிலும் வாறுகால்கள் அடைத்து கொள்ளுமளவிற்கு கழிவுகள் கொட்டபடுகிறது.…

Read More

srivilliputhur news

ஸ்ரீவில்லிபுத்துார் : டில்லியில் நடந்த ஒரு நிகழ்ச்சியில் பங்கேற்று திரும்பிய ஸ்ரீவில்லிபுத்துாரை சேர்ந்த 4 பேர் மருத்துவ பரிசோதனைக்கு அழைத்து செல்லபட்டனர்.கடந்த சில நாட்களுக்கு முன்பு டெல்லியில் நடந்த ஒரு அமைப்பின் விழாவில் பல்வேறு பகுதிகளை சேர்ந்தவர்கள் பங்கேற்றுள்ளனர். ஸ்ரீவில்லிபுத்துாரை சேர்ந்தவர்களும் பங்கேற்றுள்ளதாக கிடைத்த தகவலின்படி இவர்களை சுகாதாரத்துறை, வருவாய்துறை துறையினர் போலீஸ் பாதுகாப்புடன் மருத்துவ பரிசோதனைக்கு அழைத்து சென்றனர்.

Read More

Srivilliputhur news

ஸ்ரீவில்லிபுத்துார்: கொரோனா முன்னெச்சரிக்கையாக ஊரடங்கு பிறப்பிக்கபட்டநிலையில் இளைஞர்கள் டூவீலரில் சுற்றி திரிவது ஆங்காங்கே கூட்டமாக இருப்பது என ஊரடங்கை மீறி செயல்பட்டால் அவர்களை கைது செய்ய ஸ்ரீவில்லிபுத்துார் போலீசார் தயாராகி வருகின்றனர். ஊரடங்கின் காரணமாக அத்தியாவசிய பணிகள் மற்றும் அரசு பணிகளில் ஈடுபடுபவர்கள் மட்டுமே வெளியில் நடமாடவும், மற்றவர்கள் வீடுகளுக்குள் இருக்கவும் அறிவுறுத்தபட்டிருந்தது. ஆனால் இதை பலரும் கடைபிடிக்காமல் காலையில் வாக்கிங் செல்வது, டூவீலர்களில் சுற்றி திரிவது, ஷாப்பிங் செல்வது, ஆங்காங்கே 5க்கு மேற்பட்டு கூட்டமாக இருப்பது என விதிமீறலில் ஈடுபட்டு வருகின்றனர். போலீஸ் மற்றும் வருவாய்த்துறையினர் அவ்வப்போது அறிவுறுத்தியும் யாரும் கேட்பதில்லை. இதனால் இதுவரை பொறுமைகாத்த போலீசார் தற்போது சட்டநடவடிக்கைகள் மேற்கொள்ள தயாராகி வருகின்றனர். இதன்படி நேற்று முன்தினம் ஸ்ரீவில்லிபுத்துார் டி.எஸ்.பி., கண்காணிப்பில் உள்ள 8 போலீஸ் ஸ்டேஷன்களில் 25 பேர் மீது வழக்கு பதிவு…

Read More

ஸ்ரீவி., காய்கறி கடைகள் மீண்டும் இடம் மாறுது

ஸ்ரீவில்லிபுத்துார்: கொரோனா முன்னெச்சரிக்கை நடவடிக்கையாக ஸ்ரீவில்லிபுத்துார் பென்னிங்டன் காய்கறி மார்கெட்டில் மக்கள் அதிகளவில் கூடினர். இதையடுத்து நேற்று காலை பஸ் ஸ்டாண்டிற்கு இடமாற்றம் செய்யபட்டும் மக்கள் நெருக்கடி நிலவியது. இந்நிலையில் ஸ்ரீவில்லிபுத்துார் தாலுகா அலுவலகத்தில் கொரோனா முன்னெச்சரிக்கை நடவடிக்கைகள் தொடர்பாக ஆலோசனை கூட்டம், உதவிகலால் அலுவலர் முருகன் தலைமையில் நடந்தது. எம்.எல்.ஏ.,சந்திரபிரபா, ஒன்றிய தலைவர் ஆறுமுகம், ஒன்றிய கவுன்சிலர் முத்தையா, ஒன்றிய துணைத்தலைவர் ராஜேஸ்வரி,டி.எஸ்.பி., ராஜேந்திரன், நகராட்சி, ஊராட்சி ஒன்றியம், மருத்துவம், குடிமைப்பொருள் வழங்கல் துறை உட்பட பல் துறை அதிகாரிகள் பங்கேற்றனர். மக்கள் நெருக்கத்தை குறைத்து நோய் பரவலை தடுக்கும் விதத்தில் காய்கறிகடைகளை மீண்டும் இடமாற்றம் செய்யவும் அனைத்து பகுதிகளில் துாய்மைபணிகள் மேற்கொள்வது, கட்டடம் மற்றும் விவசாய பணிகளில் அதிகளவில் தொழிலாளர்கள் ஈடுபடுவதை நிறுத்துவது, ஏப்.2 முதல் வழங்கப்படும் நிதி உதவியை எப்படி வழங்குவது குறித்து…

Read More

கொரோனாவால் வேலை இழப்பு; தவிப்பில் அச்சகங்கள்

ஸ்ரீவில்லிபுத்துார்: கொரோனா பரவலால் அச்சக தொழிலாளர்கள் வேலை இழப்பு மற்றும் பொருளாதார இழப்பிற்கு ஆளாகி உள்ளனர். இவர்களுக்கு பொருளாதார ரீதியாக உதவிட தென்னிந்தியா பிரின்டர்ஸ் அசோசியேஷன் கோரிக்கை விடுத்துள்ளது.தமிழக முதல்வருக்கு அனுப்பிய மனுவில் கூறியிருப்பதாவது; அச்சக உரிமையாளர்கள் மற்றும் தொழிலாளர்களிடையே பொருளாதார ரீதியாக பெரியவேறுபாடு கிடையாது. பெரும்பான்மையான அச்சகங்களில் தினமும் கிடைக்கும் பணிகளை பொறுத்தே வருவாய் ஈட்டி வருகின்றனர். ஊரடங்கால் தொடர்வேலைவாய்ப்பை இழந்து பொருளாதார நெருக்கடியில் தவிக்கிறோம். நிலை சீரடையும் வரை அச்சக உரிமையாளர்கள் மற்றும் தொழிலாளர்களுக்கு வாழ்வூதியம் வழங்கவும், கடன்களை தள்ளுபடி செய்யவும் அரசு நடவடிக்கை எடுக்கவேண்டும், என கேட்டுள்ளனர்

Read More

மாஸ்க் பற்றாக்குறை

ஸ்ரீவில்லிபுத்துார்:கடைகளில் மாஸ்க் மற்றும் சானிடைசர்கள் பற்றாக்குறை நிலவுவதால் உற்பத்தி இடங்களிலிருந்து அரசே நேரடியாக வாங்கி மக்களுக்கு விநியோகிக்கவேண்டும். கொரோனா நோய் பரவலால் மாஸ்க்குகள் அதிகளவில் வெளிநாடுகளுக்கு ஏற்றுமதி செய்யப்பட்ட நிலையில் தற்போது இந்தியாவில் கொரோனா பரவுவதை தொடர்ந்து உற்பத்தி மாஸ்க்குள் அதிகவிலைக்கு விற்கபடுவதாக புகார்கள் எழுகின்றன.இதேபோல் சானிடைசர்களின் வரத்தும், இருப்பும் குறைந்து வருவதால் கூடுதல் விலை உயர்வு ஏற்படுமோ என்ற அச்சம் மக்களிடம் ஏற்பட்டுள்ளது. மாவட்டத்தில் பல்வேறு மகளிர் சங்கங்கள் மூலம் தயாரிக்கபடும் மாஸ்க்குளை, மாவட்டநிர்வாகமே நேரடியாக கொள்முதல் செய்து ரேஷன்கடைகள் மூலம் மக்களுக்கு வழங்கலாம். இதேபோல் சானிடைசர்களையும் வழங்கவும் மாவட்டநிர்வாகம் நடவடிக்கை எடுக்கவேண்டும் என்பது மக்களின் எதிர்பார்ப்பாக உள்ளது.

Read More

ரோட்டோரவாசிகளை தேடி சென்று உணவு வழங்கிய ஸ்ரீவி., தாசில்தார்

ஸ்ரீவில்லிபுத்துார்:கொரோனா முன்னெச்சரிக்கை தடுப்பு பணிகளுக்கும் மத்தியிலும் ரோட்டோரவாசிகளை தேடிசென்று ஸ்ரீவில்லிபுத்துார் தாசில்தர் உணவு வழங்கினார். ஸ்ரீவில்லிபுத்துாரின் பல்வேறு பகுதிகளில் நுாற்றுக்கு மேற்பட்டோர் ரோட்டோரவாசிகள் வசித்து வருகின்றனர். கொளுத்தும் வெயிலிலும், கொட்டும் மழையிலும் ரோடே இவர்களின் வசிப்பிடம். இத்தகையவர்களை கண்டறிந்து உணவு வழங்கும் நல்ல உள்ளங்களும் இருக்கின்றனர்.இவர்கள் உணவு வழங்க தடை விதிக்கப்பட்டு அரசு சார்பில் உணவு வழங்கப்படும் என அறிவிக்கப்படிருந்தது.நேற்று முன்தினம் மாலை 6:00 மணி முதல் ஊரடங்கு உத்தரவு அமலுக்கு வந்தநிலையில் பலர் உணவிற்கு தவிக்கும்நிலை ஏற்பட்டது.ஸ்ரீவி., பகுதியில் தவித்த அத்தகையவர்களுக்கு தாசில்தார் கிருஷ்ணவேணி, வருவாய் ஆய்வாளர் பால்துரை மற்றும் ஊழியர்கள் சாம்பார்சாத பார்சல்களை வழங்கினர்.

Read More

வீட்டு வாசலில் மண் விளக்கேற்றி பிரார்த்தனை

ஸ்ரீவில்லிபுத்துார் : கொரோனா நோய் அபாயத்திலிருந்து மக்களை காக்கவும், பாதிக்கப்பட்டவர்கள் நலமடைய வேண்டியும் ஸ்ரீவில்லிபுத்துாரில் வீட்டு வாசலில் மண் விளக்கேற்றி மக்கள் பிரார்த்தித்தனர். உலகம் முழுவதும் அச்சுறுத்தி வரும் கொரோனா வைரஸ் தாக்குதல் அபாயத்திலிருந்து இந்திய மக்களை காக்கும் விதமாக, நாடு தழுவிய ஊரடங்கை பிரதமர் மோடி அறிவித்தார். அதனையேற்று நேற்று காலை முதல் மக்கள் தங்கள் வீடுகளில் முடங்கினர். இந்நிலையில் ஸ்ரீவில்லிபுத்துாரின் சில தெருக்களில், பொதுமக்கள் தங்கள் வீடுகளுக்கு முன்பு விளக்கேற்றி பிரார்த்தித்தனர். ஒரு தட்டில் மஞ்சள், மிளகு, வேப்பிலை வைத்து 2 மண்விளக்குகளை வைத்து, தங்கள் வீட்டின் முன்பு விளக்கேற்றினர். நோய் அபாயத்திலிருந்து மக்கள் நலம் பெற்று, எப்போதும் போல் வாழவேண்டும் என பிரார்த்தித்தாக தெரிவித்தனர்.

Read More

காலையில் பிரசன்ட்: மாலையில் ஆப்சென்ட்

ஸ்ரீவில்லிபுத்துார்: ஸ்ரீவில்லிபுத்துார் ஆண்டாள் கோயிலில் பக்தர்களின் நலன்கருதி கொரோனா முன்னெச்சரிக்கை நடவடிக்கையாக காலையில் செயல்பட்ட மருத்துவகுழுவினர் மாலையில் இல்லாததால் மருத்துவ கண்காணிப்பு இல்லாமல் பக்தர்கள் கோயிலுக்கு சென்றனர்.ஸ்ரீவில்லிபுத்துார் நகராட்சி சார்பில் பஸ் ஸ்டாண்ட், அரசு மருத்துவமனை, ஆரம்பசுகாதாரநிலையம், பெரியமாரியம்மன் கோயில், ஆண்டாள் கோயில்,சிவன்கோயில்களில் கிருமிநாசினி தெளிக்கும்பணி நடந்தது.இந்நிலையில் ஆண்டாள் கோயிலுக்கு பல்வேறு மாநிலங்களை சேர்ந்த பக்தர்கள் வரலாம் என்பதால் மருத்துவ குழுவினர் பக்தர்களை பரிசோதித்தபின்னர் கோயிலுக்குள் அனுப்பினர். காலை முதல் கோயில் நடை அடைக்கும்வரை ஒரு டாக்டரும், மருந்தாளுனரும் எவ்வித மருத்துவகருவிகளும் இல்லாமல் விழிப்புணர்வு விளக்கங்கள், நோட்டீஸ்களை வழங்கினர். பின்னர் மாலையில் கோயில் நடைதிறக்கபட்டநிலையில் எவ்வித மருத்துவகுழுவினரும் இல்லை. இதனால் கோயிலுக்கு வந்த குறைந்தளவு பக்தர்களும், எவ்வித மருத்துவ சோதனையின்றி கோயிலுக்கு சென்றனர். இதனால் கோயில்களில் மருத்துவபரிசோதனை என்பது கண்துடைப்பான பணியா என பக்தர்கள் வேதனை தெரிவித்தனர்.

Read More

விழிப்புணர்வு முகாம்..

ஸ்ரீவில்லிபுத்துார்: கிருஷ்ணன்கோவில் வி.பி.எம்.எம்.மகளிர் கல்லுாரியில் கொரோனா வைரஸ் பற்றிய விழிப்புணர்வு முகாம் சேர்மன் சங்கர் தலைமையில் நடந்தது. தாளாளர் பழனிசெல்வி முன்னிலை வகித்தார். நர்சிங் கல்லுாரி முதல்வர் பிரிசில்லா இன்பரதி, துணைமுதல்வர் கவிதாஎலிசபெத் பேசினர். இயக்குனர் சபரிமாலா, முதல்வர் செந்தாமரைலட்சுமி பங்கேற் றனர்.* ஸ்ரீவில்லிபுத்துார் உரிமைக்குரல் ஓட்டுநர் சங்கத்தின் சார்பில் மாவட்ட செயலர் அழகுராஜா தலைமையில் டாக்சி ஸ்டாண்ட் ஓட்டுனர்களுக்கு மாஸ்க்குகள் வழங்கபட்டது. பொருளாளர் கார்த்திக், இணைசெயலர் சுந்தர், துணை செயலர் மாரியப்பன் பங்கேற்றனர்.

Read More